in

பெண்கள் வாழ்வதற்கு சிறந்த நாடு கனடா

 

உலகின் மிகப்பெரிய போருளாதாரத்தை கொண்ட ஜி-20 நாடுகளில் பெண்கள் வாழவதற்கு சிறந்த நாடு எது என சமீபத்தில் உலகத்தின் பல்வேறு நாடுகளில் வசிக்கும் நிபுணர்கள் 370 பேரிடம் கருத்துக்கணிப்பு மேற்கொள்ளப்பட்டு அதன் முடிவுகள் நேற்று வெளியிடப்பட்டுள்ளன.

இந்த வாக்கெடுப்பில் முதலிடத்தைப் பிடித்துள்ளது கனடா. சமநீதி , பாதுகாப்பு , பெண்களுக்கெதிரான கொடுமைகள் இல்லாத தன்மை , அடிமைத்தனமற்ற வாழ்க்கை முறை , ஆரோக்கிய வாழ்வு ஆகியவற்றில் சிறந்த கொள்கைகள் பின்பற்றபடுவதால் கனடா முதலிடத்தைப் பெற்றுள்ளது.

அதே நேரத்தில் மேற்கூறிய அம்சங்கள் அனைத்திலும் பின்தங்கி இருப்பதாலும் குழந்தைக்கொலை, குழந்தைத் திருமணம் , பெண்ணடிமைத்தனம் முற்றிய நிலை ஆகியவற்றினால் இந்தியா பெண்கள் வாழ்வதற்கு ஏற்ற நாடல்ல, மோசமான நாடு என முடிவு செய்யப்பட்டுள்ளது.

ஜெர்மனி, பிரித்தானியா, அவுஸ்திரேலியா , பிரான்ஸ் ஆகியவை கனடாவிற்கு அடுத்த நான்கு இடங்களையும் பிடித்து சிறந்த 10 நாடுகளில் ஒன்றாக தேர்வாகியுள்ளன. அமெரிக்கா ஆறாம் இடத்திற்கு தள்ளப்பட்டுள்ளது. அமெரிக்கா பின்பற்றும் இனப்பெருக்க உரிமைகள், பெண்களுக்கான ஆரோக்கிய நலவாழ்வுத் திட்டங்கள் ஆகியவற்றில் பல மாறுபட்ட கருத்துக்கள் நிலவுவதால் ஆறாம் இடத்திற்கு தள்ளப்பட்டுள்ளதாகத் தெரிகிறது.

மோசமான நாடுகள் வரிசையில் இந்தியாவிற்கு அடுத்த இடங்களை சவுதி அரேபியா, இந்தோனேசியா, தென் ஆப்ரிக்கா மற்றும் மெக்ஸிகோ ஆகிய நாடுகள் பகிர்ந்து கொண்டுள்ளன. சவுதி அரேபியாவில் பெண்கள் அதிகம் படித்துள்ளதுடன் , வளமையான நாடு என்ற போதிலும் கூட சில முக்கிய உரிமைகள் மறுக்கப்படுவதால் பின்தங்கிய நிலைக்குச் சென்றுள்ளது குறிப்பிடத்தக்கதாகும்.

 

Leave a Reply

Your email address will not be published. Required fields are marked *